Case Studies

يوم 23 اكتوبر مريم كانت رتكبه ميكروباص و مركزه ف طريقها عادي لحد ما السواق اتخانق مع راجل كبير ف السن و قرر يوقف الميكروباص في نص الطرق عشان ينزل يضربه وسط سكوت من العربيه كلها

مريم محستش دا صح , و قالتله ما تمدش ايدك عليه لان الراجل معدي  ال 50 سنه 
و لما لقيته مكمل ضرب قررت تصوره فيديو ,عشان بعدها تتعرض هي كمان للضرب و الشتيمه في نفس الوقت  من نفس السواق
مريم راحت عملت محضر بالضرب , و بالفعل اتقبض علي السواق يومها علي طول ,لكن بعدها بايام تم اخلاء سبيله من النيابه علي ذمه القضيه.
بعد خروجه وقتها قرر مايسبش مريم و راح بيتها و جامعتها و بعتلها الرساله المرعبه دي مع تهديدات كتير عشان تتنازل عن القضيه.
مريم طلعت علي القسم تبلغ و اتقبض عليه تاني

خلال الفتره دي مريم سابت بيتها عشان خايفه عشان خايفه و عشان اهله كمان بقوا يروحلها البيت و يهددوها و اتعرضت لضغوطات صعبه عشان تتنازل و مع ذلك مريم اللي عندا 18 سنه قررت تكمل لاخر لحظه

و تم الحكم علي “رامي سوبيا” ب 3 سنين سجن مشدد
مبروك لمريم و شكرا انها مسكتتش و بلغت و شكرا انها كملت
و شكرا لظباط قسم دار السلام اللي كانوا مهتمين جدا بالقضيه